- இருக்குமிடம்:
-
முகப்பு
- செய்தி மற்றும் நிகழ்வுகள்
එක්සත් රාජධානිය සහ ඇමරිකා එක්සත් ජනපදය, ඕස්ට්‍රේලියාව, කැනඩාව, නවසීලන්තය යන රටවල් මෙරට තානාපති කාර්යාලවල ඉහළ පෙළේ රාජතාන්ත්‍රික නිලධාරීන් කණ්ඩායමක් පසුගිය මැයි හය වන වන දින ආපදා කළමනාකරණ මධ්‍යස්ථානය නිරීක්ෂණ චාරිකාවක නිරත විය. රට තුළ ක්‍රියාත්මක කරනු ලබන ආපදා කළමනාකරණ යාන්ත්‍රණය, හදිසි මෙහෙයුම් සහ ආපදා හේතුවෙන් ඇති වන බලපෑඹ් යලි යථාතත්ත්වයට පත් කිරීමේ යාන්ත්‍රණය පිළිබද අවබෝධ කරගැනීම මෙම නිරීක්ෂණ චාරිකාවේ අරමුණ විය.
2004 ඉන්දීය සාගර සුනාමි ව්‍යසනය හේතුවෙන් අප රට සමාජ ආර්ථික සමාජීය සහ පාරිසරික වශයෙන් විශාල බලපෑමක් සිදු වු බවත් එබැවින් ආපදා හේතුවෙන් අප රටට සිදු විය හැකි බලපෑම අවම කර ගැනීම සදහා අවදානම් කළමනාකරණ ක්‍රියාවලිය රට තුළ ක්‍රියාත්මක කිරීම සදහා ආපදා කළමනාකරණ මධ්‍යස්ථානය ස්ථාපිත කර ඇති බව අධ්‍යක්ෂ ජෙනරාල් විශ්‍රාමික මේජර් ජෙනරාල් උදය හේරත් මහතා මෙම අවස්ථාවට සහභාගී වෙමින් පෙන්වා දෙන ලදී. එබැවින් මෙරට ජීවත්වන සෑම කෙනෙකුගේම ජීවිත සුරක්ෂිත කිරීමේ වගකීම ආපදා කළමනාකරණ මධ්‍යස්ථානය වෙත පැවරී ඇති බව නියෝජිත පිරිසට තව දුරටත් අවධාරණය කරන ලදී.
නිරිත දිග මෝසම් වර්ෂාව හේතුවෙන් ඇතිවිය හැකි ආපදා පූර්ව සූදානම පිළිබඳ ගම්පහ දිස්ත්‍රික් කමිටු රැස්වීම
ගම්පහ දිස්ත්‍රික් ආපදා කළමනාකරණ කමිටු රැස්වීම දිස්ත්‍රික් ලේකම් ලලින්ද ගමගේ හා ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජෙනරාල් උදය හේරත් යන මහත්වරුන්ගේ ප්‍රධානත්වයෙන් පසුගිය දා ගම්පහ දිස්ත්‍රික් ලේකම් කාර්යාලයීය ශ්‍රවණාගාරයේදී පැවැත්විණි. නිරිත දිග මෝසම් වර්ෂාව සක්‍රීයවීමත් සමග අපේක්ෂිත අධික වර්ෂාපතනයත් සමග ඇති විය හැකි ආපදා තත්ත්වයන් සාර්ථකව කළමනාකරණය කිරීම සඳහා ගත යුතු පෙරසුදානම් ක්‍රියාමාර්ග සම්බන්ධයෙන් සොයා බැලීම මෙම කමිටු රැස්වීමේ අරමුණ විය.
දේශගුණික වෙනස්කම් හා බලපෑම් මත කෙටි කාලයක් තුළ අධික තිව්‍රරතාවයෙන් යුක්තව වැසි ලැබීම හේතුවෙන් ගම්පහ දිස්ත්‍රික්කයේ නාගරික ප්‍රදේශවල ගංවතුර තත්ත්වයක් ඇති වුව ද මේ සදහා බලපා ඇති සාධක සළකා බැලීමේ දී මිනිසා විසින් නිර්මාණය කරන ලද අක්‍රමවත් ක්‍රමවේදයන් බව දිස්ත්‍රික් ලේකම් විසින් පෙන්වා දෙන ලදී. එබැවින් නාගරික ක්ෂණික ගංවරතුර ඇති වීමට බලපා ඇති මුලික සාධක හදුනා ගැනීමත් ඒවා පාලනය කිරීම සඳහා කඩිනම් පිළියම් යෙදිය යුතු බවත් පෙන්වා දෙන ලදී.
ගාල්ල කහව සිට මාදම්පාගම දක්වා මුහුදු රළ ගොඩ බිමට පැමිණිම නිසා ගාලු පාරේ ගමනාගමනයට දැඩි බාධා එල්ල විය. මුහුදු රළ ගොඩබිමට පැමීණිමත් සමග විශාල වශයෙන් මුහුදු වැලි සහ අනෙකුත් අපද්‍රව්‍යවලින් ගාලුපාර වැසී ගිය බැවින් ආපදා කළමනාකරණ මධ්‍යස්ථානයේ සම්බන්ධීකරණයෙන් එවා ඉවත් කිරීමට කටයුතු කරන ලදී.
ඒ අනුව ගාල්ල ආපදා කළමනාකරණ සම්බන්ධීකරණ ඒකකය, ගාල්ල දිස්ත්‍රික් ලේකම් කාර්යාලය, මාර්ග සංවර්ධන අධිකාරිය, මාදම්පාගම ප්‍රාදේශීය ලේකම් කාර්යාලය, යුධ හමුදාව, පොලීසිය සහ ප්‍රදේශයේ මහ ජනතාවගේ සහාය ඇතිව දෛනිකව මාර්ගය ගමනාගමනය සදහා භාවිතා කළ හැකි ආකාරය පිරිසිදු කිරීමට කටයුතු කරන ලදී.
ඛනිජ තෙල් සංස්ථාව විසින් ඛනිජ තෙල් බෙදාහරිනු ලබන බවුසර් රථයක් මාතලේ දිස්ත්‍රික්කයේ ලග්ගල ප්‍රදේශයේ දී මාර්ගයෙන් ඉවතට ධාවනය වී අනතුරට පත් විය. අනතුරට ලක් වු බවුසර් රථය තුළ තිබු ඉන්ධන රාවනාගම වැවට වාරි ජලය රැගෙන යන ඇල මාර්ගයට මුසුවීම හේතුවෙන් ඉන්ධන වැව් ජලයට මිශ්‍ර වී ඇති බව වාර්තා විය. මෙම තත්ත්වය නිසා ඇතිවිය හැකි පරිසර හානිය අවම කරගනිමින් වැව් ජලයට මිශ්‍ර වී ඇති ඉන්ධන ඉවත් කිරීමට අවශ්‍ය සම්බන්ධීකරණය සිදු කිරීම සම්බන්ධයෙන් අධ්‍යක්ෂ ජෙනරාල් විසින් ලබා දුන් උදෙස් අනුව අදාල පාර්ශව කාර ආයතන සම්බන්ධීකරණයෙන් යුතුව රාවනාගම වැව් ජලයට මිශ්‍ර වී තිබු ඉන්ධන ඉවත් කිරීමට ආපදා කළමනාකරණ මධ්‍යස්ථානය කටයුතු කරන ලදී.
මෙම අනතුර හේතුවෙන් ආසන්න වශයෙන් ඉන්ධන ලීටර් 7,000 ක් පමණ ජලයට මිශ්‍ර වී ඇති බව වාර්තා වු අතර ක්ෂණිකව ජලය ගෙන යන ඇල මාර්ගය වසා දැමීටත් වැව් ජලය නිකුත් කිරීම තාවකාලිකව නතර කිරීමටත් කටයුතු කරන ලදී. මේ දිනවල වී වගාව සදහා ජලය නිකුක් කිරීම ආරම්භ වී ඇති බැවින් මහවැලි අධිකාරිය, මධ්‍යම පරිසර අධිකාරිය හා ආපදා කළමනාකරණ මධ්‍යස්ථානයේ හදිසි මෙහෙයුම් වැඩබලන අධ්‍යක්ෂ සහ ප්‍රාදේශීය ලේකම්තුමිය අතර මාර්ග ගත ක්‍රමවේදය ඔස්සේ පැවති සාකච්ඡාවකින් අනතුරුව ගොවීන්ට ජලය නිකුත් කිරීමට බාධාවක් නොවීමටත් වගා බිමි සදහා ඉන්ධන මිශ්‍ර ජලය නිකුත් කිරීම තුළින් සිදුවිය හැකි පාරිසරික හානිය අවම කරගනිමින් වැව් ජලයට මිශ්‍රවී ඇති ඉන්ධන ඉවත් කිරීමට තීරණය කරන ලදී. ඒ අනුව සමුද්‍රීය පරිසර ආරක්ෂණ අධිකාරියේ තාක්ෂණික සහයෝගය සහිතව නාවික හමුදාව එක්ව වැව් ජලයට මිශ්‍ර වී ඇති ඉන්ධන ඉවත් කිරීම සිදු කරන ලදී.
ආපදා කළමනාකරණ මධ්‍යස්ථානයේ සම්බන්ධීකරණයෙන් වැව් ජලයට මිශ්‍ර වු ඉන්ධන ඉවත් කිරීමෙන් අනතුරුව මහවැලි අධිකාරිය විසින් වී වගාව සඳහා ගොවීන්ට ජලය නිකුත් කිරීම මේ වන විට ආරම්භ කර ඇත.
අධ්‍යාපන පොදු සහතික පත්‍ර සාමාන්‍ය පෙළ විභාගය පැවැත්වෙන කාල සීමාව තුළ ආපදා නිසා සිදුවිය හැකි බාධාකාරී තත්ත්වයන් මගහැර සියලු සිසු දරුවන්ට විභාගයට පෙනී සිටීමට ඇවස්ථාව සළසාදීම සදහා ආපදා කළමනාකරණ මධ්‍යස්ථානය විභාග දෙපාර්තමේන්තුව සමග එක්ව ඒකාබද්ධ මෙහෙයුම් මධ්‍යස්ථානයක් ස්ථාපිත කර ඇත.
ආපදා කළමනාකරණ මධ්‍යස්ථානය, විභාග දෙපාර්තමේන්තුව, ත්‍රිවිධ හමුදාව සහ පොලිසීය ඇතුලු පාර්ශව කාර ආයතන සම්බන්ධීකරණයෙන් මෙම මෙහෙයුම් මධ්‍යස්ථානය ක්‍රියාත්මක කෙරේ. ඒ අනුව මැයි 06 දින විභාගය අවසන් වන තෙක් මෙම ඒකාබද්ධ මෙහෙයුම් මධ්‍යස්ථානය ක්‍රියාත්මක කිරීමට සැලසුම් කර ඇත. මෙම කාලසීමාව තුළ කිසියම් අනතුරක් හෝ ආපදාවක් නිසා විභාගයට පෙනී සිටීමට බාධාවක් ඇති වේ නම් හෝ ඇතිවේ යැයි ඔබ අනුමාන කරන්නනේ නම් මෙම මෙහෙයුම් මධ්‍යස්ථානය ඇමතිය හැකිය.
News & Events
- නිරිතදිග බෙංගාල බොක්ක මුහුදු ප්‍රදේශයේ පීඩන කළාපයක්. දිවයිනේ බොහෝ ප්රදේශවලට අයහපත් කාලගුණික තත්ත්වයක්.
- අක්‍රමවත් මිනිස් ක්රියාකාරකම් ස්වභාවික ව්යසනවලට හේතුවයි. නීති නිසි ආකාරයෙන් ක්‍රියාත්මක කිරීම නිලධාරින්ගේ වගකීමයි.
- උතුරු, උතුරු මැද සහ නැගෙනහිර පළාත් ගංගාද්රෝණි 12 ක් සඳහා ගංවතුර අවදානම් පුර්ව දැනුම්දීමක්.
- ඊසාන දිග මෝසම් තත්ත්වය සක්රීයවීමට පෙර දිස්ත්‍රික් ආපදා කළමනාකරණ කමිටු රැස්වීම්.
- පස්සර - ලුණුගල මාර්ගයේ 13 හන්දියේ සිදු වූ නායයෑම හේතුවෙන් ඇති වී ඇති මාර්ග අවහිරතා ඉවත් කිරීමට කඩිනම් වැඩපිළිවෙළක්.
அவசர தொடர்புகள்
117+94 112 670 002