- ඔබ මෙතැනය:
-
මුල් පිටුව
- News & Events
නිරිතදිග බෙංගාල බොක්ක මුහුදු ප්‍රදේශයේ පීඩන කළාපයක්. දිවයිනේ බොහෝ ප්‍රදේශවලට අයහපත් කාලගුණික තත්ත්වයක්.
දිවයින වටා මුහුදු ප්‍රදේශවල ඉදිරි නැවත දැනුම් දෙන තුරු ධීවර හෝ නාවික කටයුතුවල නොයෙදෙන ලෙස ධීවර සහ නාවුක ප්‍රජාවට අනතුරු ඇගවීම්.
අද දිනයේ (11/26) උතුරු, උතුරු-මැද, නැගෙනහිර, මධ්‍ය ,ඌව සහ දකුණු පළාත්වලත් පුත්තලම දිස්ත්‍රික්කයේත් ඇතැම් ස්ථානවලට මිලිමීටර් 200ට වැඩි ඉතා තද වැසි ඉදිරි දිනයන්හිදී දිවයිනේ බොහෝ පළාත්වලට පැයට කිලෝමීටර් 40 ඉක්ම වු තද සුළං.
අද දින වන විට (11/26) නිරිත දිග බෙංගාල බොක්ක මුහුදු ප්‍රදේශය ආශ්‍රිතව පවතින පීඩන අවපාතය ඊයේ දින (11/25) දින රාත්‍රී 11.30 පමණ වනවිට මඩකලපුව සිට කී.මී. 290 ක් සහ ත්‍රීකුණාමලයට කී.මී. 410 ක් පමණ ගිණිකොන දෙසින් පිහිටා තිබුණු බවත් ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ නැගෙනහිර වෙරළට ඉතා ආසන්නව ගමන් කරනු බව කාලගුණවිද්‍යා දෙපාර්තමේන්තුව අද දින (11/26) නිවේදනය කර ඇත.
මෙහි බලපෑම හේතුවෙන් ඉදිරි දින කීපය තුළ දිවයිනේ බොහෝ ප්‍රදේශ වලට ගිගුරුම් සහිත ඉතා තද වැසි සහ සුළං සහිත කාළගුණික තත්වයක් පැවතිය හැකි බවත් මෙම නිවේදනයේ සදහන් වේ. එසේම අද දින වන විට (11/26) උතුරු, උතුරු-මැද, නැගෙනහිර, මධ්‍ය ,ඌව සහ දකුණු පළාත්වලත් පුත්තලම දිස්ත්‍රික්කයේත් ඇතැම් ස්ථානවලට මිලිමීටර් 200ට වැඩි ඉතා තද වැසි ඇතිවිය හැකි බව මෙම නිවේදනයෙන් අවධාරණය කර ඇත.
එසේම දිවයින වටා මුහුදු ප්‍රදේශ විටින්විට රළු විය හැකි අතර සුළගේ වේගය පැයට කිලෝමීටර් 60-70 දක්වා වැඩිවිය හැකි බව පෙන්වා දී ඇත. ඊයේ දින 25 පස්වරු නිකුත් කරන ලද කාලගුණවිද්‍යා දෙපාර්තමේන්තු නිවේදනයට අනුව දිවයින වටා මුහුදු ප්‍රදේශවල ධීවර කටයුතු වල නොයෙදෙන ලෙස ධීවර ජනතාවට දැනුම් දී ඇත.
ඊට අමතරව උතුරු, උතුරුමැද, මධ්‍යම සහ නැගෙනහිර පළාත්වලත් හම්බන්තොට දිස්ත්‍රික්කයෙත් විටින් විට හමන පැයට කිලෝමීටර් 40-50ක පමණ තරමක තද සුළං ඇතිවිය හැකි .බවත් මෙම තත්ත්වය ඉදිරි දින කීපය පුරාවට පැවතිය හැකි බවත් දක්වා ඇත.
මෙවර අධ්‍යාපන පොදු සහතික පත්‍ර උසස් පෙළ විභාගය මේ දිනවල පැවැත්වේ. එබැවින් මේ ඇතිවිය හැකි කාලගුණික තත්ත්වයන් පිළිබද දැඩි අවධානයොමු කළ යුතු අතර දිවයින මුහුදු වෙරළ ආශ්‍රිත සංචාරය කරනු ලබන පිරිස් සහ හදුනාගත් නායායෑම් අවදානම් කලාපවල ජීවත් වන ජනතාව මේ පිළිබඳව දැඩි අවධානය යොමු කළ යුතු බවත් කාලගුණවිද්‍යා දෙපාර්තමේන්තුව විසින් නිකුත් කරන නිවේදන සම්බන්ධයෙන් අවධානය යොමු කරන ලෙසත් ආපදා කළමනාකරණ මධ්‍යස්ථානය දැනුම් දේ.
එසේම යම් ආපදා අවදානම් තත්වයක දී අවශ්‍ය සම්බන්ධීකරණය පහසු කරගැනීම සදහා හදිසි ඇමතුම් අංක 117 වෙත දුරකථන ඇමතුමක් ලබා දෙන ලෙසත් ආපදා කළමනාකරණ මධ්‍යස්ථානය ජනතාවගෙන් ඉල්ලා සිටී.
අක්‍රමවත් මිනිස් ක්‍රියාකාරකම් ස්වභාවික ව්‍යසනවලට හේතු වී ඇති බවත් ආයතන මට්ටමෙන් නීති තිබුණත් ඒවා ක්‍රියාත්මක කර නැති බවත් ජනධිපති අනුර කුමාර දිසානායක මහතා අද දින (11/25) පෙන්වා දෙන ලදී. ආරක්ෂක නියෝජ්‍ය අමාත්‍ය අනුර ජයසේකර මහතා වැඩ භාරගැනීමේ අවස්ථාවට සහභාගීවූ ආපදා කළමනාකරණ අංශ නිළධාරීන් අමතමින් ජනාධිපතිතුමා මේ අදහස් පලකරන ලදී.
ආපදා කළමනාකරණ ක්‍රියාවලිය තුළ ආයතන ව්‍යුහයන් ශක්තිමත් කිරීම පමණක් ප්‍රමාණවත් නොවන බවත් බිම් මට්ටමට විසඳුම් ගෙන යාමේ යාන්ත්‍රණ ඇති කිරීමට කටයුතු කළ යුතු බවත් ජනාධිපති අනුර කුමාර දිසානායක මහතා ප්‍රකාශ කළේය. එසේම පළාත් පාලන ආයතන ශක්තිමත් කර අවදානම් ප්‍රදේශවල සිදුවන ආපදා වළක්වාලීම සඳහා නව විසඳුම් ලබා දීමට කටයුතු කළ යුතු බව ද ජනාධිපතිවරයා පෙන්වා දෙන ලදී.
එළඹෙන ඊසාන දිග මෝසම් ආපදා පෙරසූදානම් හා ප්‍රතිචාර දැක්වීම සම්බන්ධයෙන් කඩිනම් ක්‍රියාමාර්ග ගැනීම සම්බන්ධයෙන් දිස්ත්‍රික් ආපදා කළමනාකරණ සම්බන්ධිකරණ ඒකක වෙත ලබා දී ඇති උපදෙස් අනුව පොළොන්නරුව සහ හම්බන්තොට දිස්ත්‍රික් ආපදා කළමනාකරණ සම්න්ධීකරණ කමිටු රැස්වීම් දිස්ත්‍රික් ලේකම්තුමන්ලාගේ ප්‍රධානත්වයෙන් පැවැත්විණි.
පසුගිය වර්ෂවල දී මෝසම් තත්ත්වය සක්‍රීයවීමත් සමඟ දිස්ත්‍රිකය තුළ ඇති වූ ආපදා අවස්ථාවලදී පෙරසූදානම් හා හදිසි ප්‍රතිචාර කටයුතු සම්බන්ධ ප්‍රගතිය සහ මුහුණ දීමට සිදු වු ගැටළු පිළිබඳව මෙහි දී සමාලෝචනය කරන ලද අතර ආපදා අවදානම් කළමනාකරණ ක්‍රියාවලිය සාර්ථකව සිදු කර ගැනීම සඳහා ස්ථාපිත කර ඇති සම්බන්ධීකරණ ක්‍රියාවලිය සහ පූර්ව අනතුරු ඇඟවීමේ ක්‍රමවේද, සෙවීම් හා මුදවා ගැනීම් කණ්ඩායම් ස්ථානගත කරනු ලබන ස්ථාන,කඳවුරු කළමනාකරණ, සෞඛ්‍ය පහසුකම් පිළිබඳව මෙහි දී අවධානය යොමු කරන ලදී.
උතුරු, උතුරු මැද සහ නැගෙනහිර පළාත් ගංගාද්‍රෝණි 12 ක් සඳහා ගංවතුර අවදානම් පුර්ව දැනුම්දීමක්.
නැගෙනහිර සහ ඌව පළාත්වලට මිලිමීටර් 150 ඉක්ම වු තද වැසි ඇතිවිය හැකි බවටත් දිවයිනේ බොහෝ ගිගුරුම් සහිත ඉතා තද වැසි සහ සුළං සහිත කාළගුණික තත්වයක් පැවතිය හැකිබව මෙම නිවේදනයෙන් අවධාරණය කර තිබේ. පසුගිය වර්ෂවල ගංගාවල හැසීරීම් තත්ත්වය සහ කාලගුණවිද්‍යා දෙපාර්තමේන්තු පුරෝකථන සළකාබලා පහත ගංගා ද්‍රෝණි සඳහා ගංවතුරු අවදානම් පුර්ව නිවේදනයක් වාරිමාර්ග දෙපාර්තමේන්තුව විසින් නිකුත් කර ඇත.
ගිනිකොණදිග බෙංගාල බොක්ක ආශ්‍රිත මුහුදු ප්‍රදේශයේ පවතින අඩු පීඩන කලාපය හේතුවෙන් ඉදිරි දින කීපය තුළ දිවයිනේ බොහෝ ප්‍රදේශ වලට ගිගුරුම් සහිත ඉතා තද වැසි සහ සුළං සහිත කාළගුණික තත්ත්වයක් පැවතිය කාලගුණවිද්‍යා දෙපාර්තමේන්තුව විසින් නිවේනදයක් නිකුත් කරමින් ප්‍රකාශ කර ඇත.
බදුල්ල දිස්ත්‍රික්කයේ පස්සර - ලුණුගල මාර්ගයේ 13 හන්දියේ සිදු වූ නායයෑම හේතුවෙන් මෙම මාර්ගය වාහන ගමනාගමනය සඳහා තාවකාලිකව වසා දමා ඇති අතර නායයාම නිසා මාර්ගයට වැටී ඇති සුනුබුන් ඉවත් කිරීම සිදු කරමින් පවතී. ඊට අමතරව මෙම ස්ථානයේ පවතින අවදානම පිළිබඳව සොයා බැලීම සඳහා ජාතික ගොඩනැගිලි පර්යේෂණ සංවිධානයයේ විශේෂඥ කණ්ඩායමක් අද දින ස්ථානීය පරික්ෂණයක් සිදු කිරීමට කටයුතු යොදා ඇති බව බදුල්ල දිස්ත්‍රික් ආපදා කළමනාකරණ නියෝජ්‍ය අධ්‍යක්ෂ විසින් පැවසීය. මෙම විශේෂඥ කමිටු නිර්දේශ මත ඉදිරි කටයුතු සැලසුම් කරන බවත් එතෙක් මෙම මාර්ගය වාහන ධාවන කටයුතු සිදු කිරීම තාවකාලිකව නවතා දැමීමට සිදු වන බවත් ඒ මහතා දන්වා සිටින ලදී.
News & Events
- නිරිතදිග බෙංගාල බොක්ක මුහුදු ප්‍රදේශයේ පීඩන කළාපයක්. දිවයිනේ බොහෝ ප්‍රදේශවලට අයහපත් කාලගුණික තත්ත්වයක්.
- අක්‍රමවත් මිනිස් ක්‍රියාකාරකම් ස්වභාවික ව්‍යසනවලට හේතුවයි. නීති නිසි ආකාරයෙන් ක්‍රියාත්මක කිරීම නිලධාරින්ගේ වගකීමයි.
- උතුරු, උතුරු මැද සහ නැගෙනහිර පළාත් ගංගාද්‍රෝණි 12 ක් සඳහා ගංවතුර අවදානම් පුර්ව දැනුම්දීමක්.
- ඊසාන දිග මෝසම් තත්ත්වය සක්‍රීයවීමට පෙර දිස්ත්‍රික් ආපදා කළමනාකරණ කමිටු රැස්වීම්.
- පස්සර - ලුණුගල මාර්ගයේ 13 හන්දියේ සිදු වූ නායයෑම හේතුවෙන් ඇති වී ඇති මාර්ග අවහිරතා ඉවත් කිරීමට කඩිනම් වැඩපිළිවෙළක්.
හදිසි ඇමතුම්
117+94 112 670 002