2023 පෙබරවාරි 21 වන දින විශේෂ රාජකාරි මෙහෙයුමක් සදහා දෙමෝදර ප්‍රදේශයේ රාජකාරියේ යෙදී සිටි පොලිස් කණ්ඩායමක් කුඹුක්කන් ඔය පිටාර ගැලීමෙන් දෙමෝදර රක්ෂිත වනාන්තර ප්‍රදේශයේ පිවිසුම් මාර්ග යටවීම නිසා එම රක්ෂිත ප්‍රදේශයට ඇතුල් වීමට හෝ රක්ෂිතයෙන් පිටතට පැමිණිමට නොහැකි විය. එබැවින් රාජකාරි සදහා රක්ෂිතය තුළට ගොස් ක්ෂණික ගංවතුර හේතුවෙන් සිරවී සිටි පොලිස් නිලධාරීන් 08 දෙනෙකු සහ සැකකරුවන් 05 දෙනෙකු මුදා ගැනීමට හැකිවිය.
මෙම පිරිස ගලවා ගැනීමේ මෙහෙයුම සඳහා ආපදා කළමනාකරණ මධ්‍යස්ථානය විසින් නාවික හමුදා වේගවත් ක්‍රියාකාරී බෝට්ටු බලඝණය (RABS) සම්බන්ධීකරණයෙන් මෙම නිළධාරීන් සහ සැකකරුවන් මුදා ගැනීම කටයුතු කරන ලදී.
