ලෝක ආහාර සංවිධානයේ පූර්වාපේක්ෂක ක්‍රියාමාර්ග වැඩමුළුව සඳහා වන කලාපීය උපදේශිකා සුමයියා කාබීර් (Sumaiya Kabir) සහ මෙරට ක්‍රියාත්මක ආපදා ප්‍රත්‍යස්ථතා, හදිසි පෙරසුදානම් සහ සමාජ ආරක්ෂණය ප්‍රධානී රුෂිණි පෙරේරා යන මහත්මියන් ගේ ප්‍රධානත්වයෙන් යුතු ලෝක ආහාර සංවිධානයේ නියෝජිත කණ්ඩායමක් මාර්තු 11 වන දින ආපදා කළමනාකරණ මධ්‍යස්ථානයේ නව අධ්‍යක්ෂ ජනෙරාල් හමුවිය.
ලෝක ආහාර සංවිධානය ආපදා කළමනාකරණය ක්ෂේත්‍රය තුළ කටයුතු කරන ප්‍රධාන පාර්ශව කාර ආයතනයක් වශයෙන් ආපදා කළමනාකරණ මධ්‍යස්ථානය සමග සමීපව කටයුතු කරන සංවිධානයකි. එබැවින් නව අධ්‍යක්ෂ ජනරාල්වරයාට සුබ පැතීම සහ එම සංවිධානය විසින් ආපදා කළමනාකරණ ක්ෂේත්‍රයේ ක්‍රියාත්මක කරනු ලබන ව්‍යාපෘති පිළිබදව සාකච්ඡා කිරීම මෙම සාකච්ඡාවේ අරමුණ විය. එ් අනුව “ආපදා කළමනාකරණ සම්බන්ධීකරණ යාන්ත්‍රණය හා ස්වාභාවික ව්‍යසන සඳහා කාර්යක්ෂම ආපදා කළමනාකරණය” යන විෂය ක්ෂේත්‍රය යටතේ 2024 වර්ෂය සඳහා ලෝක ආහාර සංවිධානයෙහි ප්‍රතිපාදන මඟින් ක්‍රියාත්මක කිරීමට නියමිත වැඩසටහන් සම්බන්ධයෙන් සාකච්ඡාවක් පවත්වන ලදි.
එහිදි ආපදා කළමනාකරණ මධ්‍යස්ථානයේ ප්‍රමුඛතාවයට අනුකූලව සහයෝගීතාවය දැක්විය යුතු අංශ කෙරෙහි වැඩි අවදානයක් යොමු කළ අතර අදාළ කාල රාමුව වැඩසටහන් ක්‍රියාත්මක කිරීම කෙරෙහි අවදානය යොමු විය.
