දෛනික ජීවිතයේ දී සමෘද්‍රීය පරිසර පද්ධතිය ආරක්ෂා කිරීම වෙනුවෙන් සැම කෙනෙකුගේම වගකීමක් සහ ඒ සදහා සෑම කෙකෙනෙත්ම ක්‍රියාකල යුතු ප්‍රධාන භූමිකාවන් පිළිබද අවධානය යොමු කරනමින් “සාගර පුනර්ජීවනය සඳහා සාමුහිකවනැගී සිටිමු"යන තේමාව මුල්කරගනිමින් මෙවර ලෝක සාගර දින සැමරුම පසුගිය දා පැවැත්විණී.
මෙවර ලෝක සාගර දින සැමරුම වෙනුවෙන් සමුද්‍රීය ආපදාවන් අවම කිරීම සහඑවැනිආපදාවකදී සාමූහිකව කටයුතු කිරීම වැදගත් කම යන තේමාව ඔස්සේ විශේෂ දේශනයක් සදහා ආපදා කළමනාකරණ මධ්‍යස්ථානයෙ අධ්‍යක්ෂ ජෙනරාල් විශ්‍රාමික මේජර් ජෙනරාල් සුදන්ත රණසිංහ මහතා සහභාගී විය.
තිරසාර සංවර්ධනයක් උපාය මාර්ග තුළින් "සුපිරිසුදු වෙරළ තීරයක් සමගින් සෞඛ්‍ය සම්පන්න සාගරයක්" අනාගත පරපුරට දායාද කිරීම, තිරසර සාගරික සම්පත් පරිහරණයේ දී සාමුහික වගකීම, සමුද්‍රීය ආපදාවන් අවම කිරීම සහඑවැනිආපදාවක දී සාමූහිකව කටයුතු කිරීම පිළිබද විද්වත් සාකච්ඡාවක් මීට සමගාමීව සංවිධානය කර තිබිණි.
ආපදා කළමනාකරණ ක්ෂේත්‍රයේ නියැලෙන රාජ්‍ය නිළධාරීන්ගේ ධාරිතාව වර්ධනය කිරීම සදහා ලෝක ආහාර සංවිධානයේ මුල්‍ය දායකත්වය යටතේ සිව් දින නේවාසික පුහුණු වැඩසටහන් මාලාවක් ආපදා කළමනාකරණ මධ්‍යස්ථානය විසින් සංවිධානයකර ශ්‍රී ලංකා සංවර්ධන පරිපාලන ආයතනය ක්‍රියාත්මක කරනු ලබයි. මෙම වැඩසටහන් මාලාවේ තෙවන වැඩසටහන ජූනි මස 7-10 දින දක්වා ශ්‍රී ලංකා සංවර්ධන පරිපාලන ආයතනයේ (SLIDA) දී පැවැත් වේ.
ආපදා අවදානම් කළමනාකරණ සංකල්ප, ආපදා කළමනාකරණය පිළිබද නෛතික සහ ආයතනික රාමුව, ආපදා පෙරසුදානම් සැළසුම් සකස්කිරීම, ආයතනික ආපදා කළමනාකරණ සැළසුම් සකස් කිරීම, අන්තර් ජාතික මානුෂීය ආධාර, කාලගුණික හා දේශගුණික වෙනස්කම් හේතුවෙන් ඇතිවිය හැකි ආපදා සහ එහි බලපෑම, ගංවතුර ආපදා කළමනාකරණය, නායයෑම් ආපදා අවදානම් කළමනාකරණය, භූකම්පන අවදානම් කළමනාකරණ, ජාතික මට්ටමේ සිට ග්‍රාමීය මට්ටම දක්වා ආපදා සහන සේවා ක්‍රියාත්මක කිරීමේ ක්‍රියාවලිය, ප්‍රජා මුලික ආපදා කළමනාකරණ ක්‍රියාවලිය, හදිසි ආපදා තත්වයක දී මහජන සෞඛ්‍ය පවත්වාගෙන යාම සහ ඒ සදහා පවතින ජාත්‍යන්තර ප්‍රමිති ආදී විෂය ක්ෂේත්‍ර ගණනාවක් මෙම පුහුණු වැඩසටහන තුළින් ආවරණය කෙරේ.
ආරක්ෂක ලේකම් විශ්‍රාමික ජෙනරාල් කමල් ගුණරත්න මහතා, ආරක්ෂක අමාත්‍යාංශය යටතේ පවතින ආපදා කළමනාකරණ අංශයෙහි වත්මන් පරිපාලනය, ක්‍රියාකාරීත්වයන් සහ ඉදිරි සැලසුම් අද දින (2022.06.03) උදෑසන අධීක්ෂණයට ලක් කරන ලදි. මෙම සාකච්ඡාව ආපදා කළමනාකරණ අංශයේ ප්‍රධාන ශ්‍රවණාගාරයේදී පැවැත්වුණ අතර, මේ සඳහා ආපදා කළමනාකරණ අංශයෙහි සියලූම ආයතන ප්‍රධානීන් සහ විධායක නිලධාරීන් සහභාගී විය.
සුනාම් ආපදාවක දී ඉන්දීය සාගර කලාපයේ රටවල ජනතාවගේ ජීවිත සහ දේපළ සුරක්ෂිත කිරීම සදහා ස්ථාපිත කර ඇති ඉන්දියානු සාගර කලාපීය සුනාම් අනතුරු ඇඟවීම් සහ අවම කිරීමේ පද්ධතිය (IOTWMS) කලාපීය වශයෙන් සුනාමි ආපදාවක දී ඒ ඒ රවටල්වල පවතින පෙරසුදානම වාර්ෂිකව පරීක්ෂා කරනු ලබයි. ඒ අනුව සුනාමි ආපදාවක දී ජනතාවට පුර්ව අනතුරු ඇගවීම සදහා ස්ථාපිත කර ඇති අනතුරු ඇගවීමේ සංනිවේදන පද්ධතිවල කාර්යක්ෂමතාව පරීක්ෂා කිරීමේ කලාපීය වැඩසටහනක් අද දින (08) පෙරවරු 11.30 සිට පස්වරු 12.15 දක්වා කාලය තුළ කලාපීය මට්ටමින් පැවැත්විණි.
ඉන්දියානු සාගර කලාපීය සුනාම් අනතුරු ඇඟවීම් සහ අවම කිරීමේ පද්ධතිය හා සම්බන්ධ කටයුතු කරන සාමාජික රටක් වශයෙන් ශ්‍රී ලංකාවේ ද මෙම පෙරහුරු වැඩ සටහනට සහභාගී වූ අතර අධ්‍යක්ෂ ජෙනරාල්තුමාගේ සෘජු අධීක්ෂණය යටතේ ක්‍රියාත්මක කරන ලද මෙම වැඩසටහනට ආරක්ෂක අමාත්‍යාංශය ඇතුලු ජාතික මට්ටමේ පාර්ශවකාර ආයතනවල හා සියලුම වෙරළබඩ දිස්ත්‍රික්කවල ස්ථාපිත කර ඇති සංනිවේදන පද්ධතිවල ක්‍රියාකාරීත්වය පරීක්ෂා කිරීම සිදු කෙරිණි.
ශ්‍රී ලංකා වේලාවෙන් පෙරවරු 11.30 ට ඉන්දුනීසියා උතුරු සුමාත්‍රා දිවයින ආසන්නයේ රික්ටර් මාපක 9.2 ක භූමිකම්පාවක් සිදු වේ යැයි උපකල්පනය කරමින් මෙම පෙරහුරු වැඩ සටහන පැවැත් වුණු අතර සුනාමි ආපදා තත්වයක දී සම්මත මෙහෙයුම් ක්‍රියාපටිපාටි අනුව ඒ ඒ ස්ථරවල වගකීම් සහ ක්‍රියාකළ යුතුර ආකාරය, සංනිවේදන පද්ධති සහ පුර්ව අනතුරු ඇගවීම් ක්‍රමවේද ක්‍රියාකාරීත්වය හා කාර්යක්ෂමතාවය පරීක්ෂා කිරීම මෙමගින් සිදු කරන ලදී.
සැබැවින් ම ඇතිවිය හැකි ආපදාතත්වයක දී සිදුවිය හැකි අඩුපාඩු අවම කර ගනිමින් ජනතාවගේ ජීවිත සහ දේපළ සුරක්ෂිතාව තහවුරු කිරීම මෙවැනි පෙරහුරු අභ්‍යාස සංවිධානය කිරීම තුළින් අපේක්ෂා කෙරේ.
පවතින ආපදා අවදානම් කාරීතත්වය ක්‍රමයෙන් පහව ගිය ද ආපදා අවදානම් ප්‍රදේශවල ස්ථාන ගත කර ඇති සෙවීම් මුදවාගැනීම් කණ්ඩායම් තවදුරටත් ස්ථාන ගතකර තිබෙන බවත් ඩෙංගු රෝගී තත්වය ක්‍රමයෙන් පැතිරී යාමේ අවදානමක් පවතින බැවින් ඔබගේ නිවස අවට මෙන්ම පොදු ස්ථානවල මදුරුවන් බෝවීම වළක්වා ගැනීම සදහා අවශ්‍ය පියවර ගැනීමට කටයුතු කරන මෙන් ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් මේජර් ජෙනරාල් සුදන්ත රණසිංහ මහතා රජයේ ප්‍රවෘත්ති දෙපාර්තමේන්තුවේ පැවති ප්‍රවෘත්ති සාකච්ඡාවට එක්වෙම්න් පැවසීය.
එසේම පසුගිය දින කීපය තුළ පැවති අයහපත් කාලගුණික තත්වය හේතුවෙන් ඇතිවු ආපදා තත්වය නිසා දිස්ත්‍රික්ක 07 ක ප්‍රාදේශීය ලේකම් කොට්ඨාශ 43 ක පවුල් 5,357 කට අයත් පුද්ගලයින් 22,338 ක් බල පෑමට ලක් වී ඇති බවත් නිවාස 174 කට අර්ධ හානි සිදු වී ඇති බවත් කණ්ඩි කඩාවැඩීම් 130 ක් සහ ඉවුරු කඩාවැටීම් 38 ක් සහ අවාසනාවන්ත ලෙස එක් මරණයක් වාර්තා වී ඇති බවත් තවදුරටත් පෙන්වා දෙන ලදී.
News & Events
- ජනාධිතපතිවරණ කාලසීමාව තුළ විශේෂ ඒකාබද්ධ ආපදා මෙහෙයුම් ඒකකයක්
- මෙවර ශිෂ්යත්ව විභාග කාලසීමාව තුළ ආපදා හේතුවෙන් ඇතිවිය හැකි බාධා වළක්වා ගැනීම සදහා වැඩපිළිවෙළක්.
- ජනාධිපතිවරණ සමයේ ඇතිවිය හැකි ආපදා කළමනාකරණය සඳහා විශේෂ වැඩපිළිවෙලක්
- බදුලු ඔය ආශ්රිත ආපදා අවදානම අවමකිරීම සහ බදුලු ඔය පරිසර පද්ධතිය තිරසර භාවිතය සඳහා ස්ථිරසාර වැඩසටහනක් ක්‍රියාත්මක කිරීම වෙනුවෙන් පාර්ශවකරුවන් අතර විශේෂ සාකච්ජාවක්.
- නිරිතදිග මෝසම් ආපදාවෙන් බලපෑමට ලක් වූ ජනතාවගේ ජන ජීවිතය යලි නගාසිටුවීමට සහ හදිසි ප්රතිචාර දැක්වීමේ යාන්ත්රණය ශක්තිමක් කිරීම සඳහා ආධාර.
Call Center
117+94 112 670 002