- இருக்குமிடம்:
-
முகப்பு
- செய்தி மற்றும் நிகழ்வுகள்
තෝරාගත් ගංඟා නිම්නවල ආපදා ප්රත්යස්ථතාව ඉහළ නැංවීම සදහා ආපදා කළමනාකරණ මධ්යස්ථානයදේශගුණික ඔරොත්තු දීමේ ඒකාබද්ධ ජල කළමනාකරණ ව්යාපෘතිය අතර අවබෝධතා ගිවිසුමක්.
ශ්රී ලංකා රජය සහ හරිත දේශගුණික අරමුදලේ මුල්ය දායකත්වය යටතේ ක්රියාත්මක් කරනු ලබන දේශගුණික ඔරොත්තුදීමේ ඒකාබද්ධ ජල කළමනාකරණ ව්යාපෘතිය (CRIWMP) හෙවත් වැවි ගම් පුබුදුව වැඩසටහන මල්වතු ඔය, යාන්ඔය සහ මීඔය යන ගංඟා ද්රෝණි ආශ්රිතව ක්රියාත්මක කරනු ලැබේ. දේශගුණික විපර්යාස හේතුවෙන් නිර්මාණය වන ආන්තික දේශගුණික තත්ත්වයන්ට මෙම ගංගාධාරවල ජීවත් වන ජනතාව සතු අනුවර්තන ධාරිතාව ඉහළ නැංවීම මෙම ව්යාපෘතියේ ප්රධාන අරමුණකි. ඒ සදහා ආපදා කළමනාකරණ මධ්යස්ථානය විසින් ඉටුකළ යුතු කාර්යභාරය ඉටුකිරීම වෙනුවෙන් දේශගුණික ඔරොත්තුදීමේ ඒකාබද්ධ ජල කළමනාකරණ ව්යාපෘති සහ ආපදා කළමනාකරණ මධ්යස්ථාන අතර ඒකාබද්ධ අවබෝධතා ගිසිසුමක් අත්සන් කෙරිණි. ආපදා කළමනාකරණ මධ්යස්ථානය වෙනුවෙන් අධ්යක්ෂ ජනෙරාල් විශ්රාමික මේජර් ජෙනරාල් සුදන්ත රණසිංහ මහතා සහ දේශගුණික ඔරොත්තුදීමේ ඒකාබද්ධ ජල කළමනාකරණ ව්යාපෘතිය වෙනුවෙන් ව්යාපෘති අධ්යක්ෂ ඉංජිනේරු චන්දන එදිරිසූරිය මහතා මෙම අවබෝධතා ගිවිසුමට අත්සන් තැබුහ.
ජාතික හදිසි මෙහෙයුම් සැලැස්ම (2023-2028) යාවත්කාලීන කිරීම වෙනුවෙන් සංවිධානය කරන ලද වැඩමුළුව
ජාතික හදිසි මෙහෙයුම් සැලැස්ම (2023-2028) යාවත්කාලීන කිරීම සඳහා වු වැඩමුළුවක් ජුනි මස 23 වන දින වැඩබලන ආරක්ෂක අමාත්ය ගරු ප්රමිත බණ්ඩාර තෙන්නකෝන් මැතිතුමාගේ ප්රධානත්වයෙන් කොළඹ ගලදාරි හෝටලයේ දී පැවැත්විණි.
ව්යයසන කළමනාකරණ පනත අනුව ජාතික හසිදි මෙහෙයුම් සැලැස්ම සකස් කිරීම සහ ව්යයසන අවස්ථාවක දී එය ක්රියාවට නැංවීම සදහා ව්යසන කළමනාකරණ සදහා වු ජාතික සභාවට සහාය දැක්වීම ආපදා කළමනාකරණ මධ්යස්ථායේ වගකීම කි. ආපදා අවස්ථාවක දී ජාතික හදිසි සැලසුම අනුව පාර්ශවකාර ආයතන සම්බන්ධිකරණ කරමින් බලපෑමට ලක්වූ ජනතාවගේ ජීවිත සහ දේපළ සුරක්ෂිත කිරීම, සිදුවිය හැකි හානි අවම කිරීම, ආපදාවට ලක්වූවන්ගේ ශාරීරික සහ මානසික සෞඛ්ය තහවුරු කිරීම සහ අත්යවශ්ය සේවා සැපයීම් යාන්ත්රණය හැකි ඉක්මනින් යථාතත්වයට පත් කිරීම සදහා වන සම්බන්ධීකරණ යාන්ත්රණය ගොඩනැගීම ජාකික හදිසි මෙහෙයුම් සැලැස්ම මගින් අපේක්ෂා කෙරේ.
සාමාන්ය පෙළ විභාගය බාධාවකින් තොරව පවත්වාගෙනයාම සදහා ආපදා කළමනාකරණ මධ්යස්ථානයේ මැදිහත්වේ.
මෙවර සාමාන්ය පෙළ විභාගය බාධාවකින් තොරව පවත්වා ගෙන යාම සදහා සකස් කරන ලද ආපදා පෙරසුදානම් සැළසුම අනුව සියලු දිස්ත්රික්ක තුළ ආපදා තත්වයන් නිසා ඇති වන බාධා මගහැර ගනිමින් සාමාන්ය පෙළ විභාගය සාමාන්ය පරිදි පවත්වාගෙන යාමට සදහා ප්රාදේශීය මට්ටමේ සිට ජාතික මට්ටම දක්වා විභාග දෙපාර්තමේන්තුව සහ ආපදා කළමනාකරණ මධ්යස්ථානය එක්වසම්බන්ධීකරණ යාන්ත්රණයක් සකස් කර එය දිවයින පුරා ක්රියාත්මක කරනු ලැබේ.
ඒ අනුව පසුගිය දිනවල දී කළු ගංගා ද්රෝණියට ඇද හැලුණු වර්ෂාව නිසා කලුතර දිස්ත්රික්කයේ බුලත්සිංහල ප්රාදේශීය ලේකම් කොට්ඨාශයට අයත් පහළ කුඩලිගම ප්රදේශයේ ක්ෂණික ගංවතුර තත්වයක් වාර්තා වු අතර සාමාන්ය පෙළ විභාගයට පෙනී සිටින දරුවන් හට මෙම තත්වය තුළ මුහුණ පෑමට සිදු විය හැකි දුෂ්කරතා මග හැර ගැනීම සදහා ආපදා කළමනාකරණ මධ්යස්ථානය අදාල පියවර ගැණිනි.
කලුතර දිස්ත්රික්කයේ මෙවර සාමාන්ය පෙළ විභාගය බාධාවකින් තොරව පවත්වාගෙන යාම සදහා පියවර
මෙවර සාමාන්ය පෙළ විභාගය බාධාවකින් තොරව පවත්වා ගෙන යාම සදහා සකස් කරන ලද ආපදා පෙරසුදානම් සැළසුම අනුව සියලු දිස්ත්රික්ක තුළ ආපදා තත්වයන් නිසා ඇතිවන බාධා මගහැර ගනිමින් සාමාන්ය පෙළ විභාගය සාමාන්ය පරිදි පවත්වාගෙන යාමට සදහාවිභාග දෙපාර්තමේන්තුව සමග ආපදා කළමනාකරණ මධ්යස්ථානය විසින් ප්රාදේශීය මට්ටමේ සිට ජාතික මට්ටම දක්වා සම්බන්ධීකරණ යාන්ත්රණයක්දිවයින පුරා ක්රියාත්මක කෙරිණි.
කලුතර දිස්ත්රික්කය තුළ පැවැති අයහපත් කාලගුණ තත්වය හේතුවෙන් දොඩංගොඩ, වලල්ලාවිට යන ප්රදේශීය ලේකම් කොට්ඨාශ වල විභාග මධ්යස්ථාන වෙත යාම සදහා ඇති ප්රවේශ මාර්ග ජලයෙන් යටවිය. මේ නිසා විභාගයට පෙනී සිටින සිසු දරුවන් සහ විභාග රාජකාරීවල යෙදෙන කාර්ය මංඩල සදහා ප්රවාහන දුෂ්කරතා මගහැරීම සදහා අවශ්ය කටයුතු සම්බන්ධීකරණය කිරීමට ආපදා කළමනාකරණ මධ්යස්ථානය කටයුතු කරන ලදී.
අධික උෂ්ණත්වයෙන් ඇතිවිය හැකි පීඩා අවම කරගැනීමට කටයුතු කරන්න.
දිවයිනේ බොහෝ පළාත්වලට මිනිස් සිරුරට දැනෙන උෂ්ණත්වය වැඩිවීමක් පවතින වාර්තා වේ. මෙනිසා ඔබට ඇතිවිය හැකි පීඩා අවම කරගැනීම සදහා සෞඛ්ය උපදෙස් පිළිපදින ලෙස ආපදා කළමානාකරණ මධ්යස්ථානය ජනතාවගෙන් ඉල්ලා සිටී.
උණුසුම් දර්ශකය කාලගුණවිද්යා දෙපාර්තමේන්තුව විසින් ගෝලීය ගණිතම කාලගුණ අනාවැකි ආකෘති දත්ත විශ්ලේෂණ දත්ත මගින් ලබාගත් වායුගෝල ආර්ද්රතාව සහ උපරිම උෂ්ණත්ව අගයන් යොදාගනිමින් ගණනය කර ඇති අතර මෙය වායුගෝලීය උෂ්ණත්වය නොවන බවත් ශරීරයට දැණෙන උණුසුම බවත් කාලගුණවිද්යා දෙපාර්තමේන්තුව පවසයි.
එබැවින් අධික උෂ්ණත්වය හේතුවෙන් විජලන තත්වයට පත්වීම සහ ලවන ඉවත්වීම නිසා ඇතිවිය හැකි මස්පිඩු පෙරලීම, අධික උෂ්ණත්වය නිසා ඇතිවන අධික මහන්සිය ඇතිවිය හැකි ය. එසේම ළමුන් අධික උෂ්ණත්වයේ ක්රීඩාකිරීම වැනි උෂ්ණත්වයට නිරාවරණය වන ආකාරයේ ක්රියාකාරකම්වල නිරතවීම නිසා ශරීර උෂ්ණත්වය නියාමනය කිරීම අඩපන වී ආඝාත තත්වය ඇතිවිය හැකය.
News & Events
- ජනාධිපතිවරණ සමයේ ඇතිවිය හැකි ආපදා කළමනාකරණය සඳහා විශේෂ වැඩපිළිවෙලක්
- බදුලු ඔය ආශ්රිත ආපදා අවදානම අවමකිරීම සහ බදුලු ඔය පරිසර පද්ධතිය තිරසර භාවිතය සඳහා ස්ථිරසාර වැඩසටහනක් ක්රියාත්මක කිරීම වෙනුවෙන් පාර්ශවකරුවන් අතර විශේෂ සාකච්ජාවක්.
- නිරිතදිග මෝසම් ආපදාවෙන් බලපෑමට ලක් වූ ජනතාවගේ ජන ජීවිතය යලි නගාසිටුවීමට සහ හදිසි ප්රතිචාර දැක්වීමේ යාන්ත්රණය ශක්තිමක් කිරීම සඳහා ආධාර.
- ඉංගිරිය ප්රාදේශීය ලේකම් කොට්ටාශයට අයත් රත්මල්ගොඩ නැගෙනහිර ග්රාම නිළධාරි වසමේ නායයෑම් අවදානම නිරීක්ෂණය කර ජනාතගේ ආරක්ෂාව තහවුරු කරයි.
- නියඟයෙන් පීඩාවිදින පුත්තලම දිස්ත්රික්කයේ ජනතාවට පානීය ජල අවශ්යතා සැපීරීම සඳහා ඒ්කාබද්ධ වැඩසටහනක්
அவசர தொடர்புகள்
117+94 112 670 002