- இருக்குமிடம்:
-
முகப்பு
- செய்தி மற்றும் நிகழ்வுகள்
උසස් පෙළ සහ ශිෂ්‍යත්ව විභාග කාල සීමාව තුළ ඇතිවිය හැකි බාධා මගහැර ගැනීමට ඒකාබද්ධ මෙහෙයුම් මධ්‍යස්ථානයක්.
අධ්‍යාපන පොදු සහතික පත්‍ර උසස් පෙළ සහ ශිෂ්‍යත්ව විභාග පැවැත්වෙන කාල සීමාව තුළ ආපදා නිසා සිදුවිය හැකි බාධාකාරී තත්වයන් මගහැර සියලු සිසු දරුවන්ට විභාගයට පෙනී සිටීමට ඇවස්ථාව සළසාදීම සදහා ආපදා කළමනාකරණ මධ්‍යස්ථානය, විභාග දෙපාර්තමේන්තුව සමග එක්ව ඒකාබද්ධ මෙහෙයුම් මධ්‍යස්ථානයක් ස්ථාපිත කර ඇත.
ආපදා කළමනාකරණ මධ්‍යස්ථානය, විභාග දෙපාර්තමේන්තුව, ත්‍රිවිධ හමුදාව සහ පොලිසීය ඇතුලු පාර්ශව කාර ආයතන සම්බන්ධීකරණයෙන් මෙම මෙහෙයුම් මධ්‍යස්ථානය ක්‍රියාත්මක කෙරේ. ඒ අනුව ඔත්තෝබර් 11 දින සිට නොවැම්බර් 06 දින දක්වා මෙම ඒකාබද්ධ මෙහෙයුම් මධ්‍යස්ථානය ක්‍රියාත්මක කිරීමට සැලසුම් කර ඇත. ඒ අනුව එම කාලසීමාව තුළ කිසියම් අනතුරක් හෝ ආපදාවක් නිසා විභාගයට පෙනී සිටීමට බාධාවක් වේ නම් මෙම මෙහෙයුම් මධ්‍යස්ථානය ඇමතිය හැකිය.
ආපදා කළමනාකරණ මධ්‍යස්ථානයේ ක්ෂිණික ඇමතුම් අංක 117 සහ විභාග දෙපාර්තමේන්තුවේ ක්ෂණික ඇමතුම් අංක 1911 අදාල කාල සීමාව තුළ පැය 24 පුරා වෘතව පවතී. විභාග සම්බන්ධයෙන් ඇතිවිය හැකි ගැටලු මෙම දුරකථන අංක වෙත යොමු කළ හැකි ය.
මෙම ඒකාබද්ධ මෙහෙයුම් මධ්‍යස්ථානය මගින් ආපදා අවදානම් කළමනාකරණ කටයුතු ක්‍රියාත්මක කරන විවිධ පාර්ෂවකාර ආයතන වෙත විභාග පැවැත්වෙන කාල සීමාව තුළ කටයුතු කිරීම සම්බන්ධයෙන් වන මාර්ගෝපදේශ දැනටමත් කිතුක් කිරීමට කටයුතු කර ඇත.
විවිධ පාර්ෂවකාර ආයතන සදහා නිකුත් කර ඇති මාර්ගෝපදේශ සහ විභාග සම්බන්ධයෙන් ඇති වන බාධා පිළිබදව විමසීමට ඔබට අවශ්‍ය දුරකථන අංක සහ තොරතුරු පහතින් ලබා ගත හැක.
මාර්ගෝපදේශ සහ විභාග සම්බන්ධයෙන් විමසීම සදහා අවශ්‍ය දුරකථන අංක සහ තොරතුරු
ආපදා අවදානම් කළමනාකරණය ක්‍රියාවලිය පිළිබද දැනුම අවබෝධය වැඩිදියුණු කිරීම වෙනුවෙන් පැවැත්වුණු දීප ව්‍යාප්ත චිත්‍ර නිර්මාණ තරගාවලියේ ත්‍යාග ප්‍රදානය
පාසල් සිසුන් තුළ ආපදා අවදානම් කළමනාකරණය පිළිබඳ දැනුම අවබෝධය වැඩිදියුණු කිරිම සහ ආපදා අවදානම කළමනාකරණ ක්‍රියාවලියට පාසල් සිසුන්ගේ දායකත්වය ලබා ගැනිම සඳහා ආපදා කළමනාකරණ මධ්‍යස්ථානය සහ අධ්‍යාපන අමාත්‍යාංශය ඒකාබද්ධව සංවිධානය කරන ලද දීප ව්‍යාප්ත චිත්‍ර තරඟාවලියක් පැවැත්විණි.
වයස් කාණ්ඩ තුනක් යටතේ පැවැත්වුණු මෙම තරගාවලියේ ජයග්‍රහණ ලබාගත් දරුදැරියන් සදහා ත්‍යාග සස සහතික පත්‍ර ප්‍රදානය කිරීම ලෝක ආහාර වැඩසටහනේ ශ්‍රි ලංකා නේවාසික නියෝජිත බෙන්ඩ්‍රා බාර්ටන් (BRENDA BARTON) මහත්මියගේ ප්‍රධානත්වයෙන් ආපදා කළමනාකරණ මධ්‍යස්ථානයේ ශ්‍රවනාගාරයේ දී පැවැතත්විණි.
මධ්‍යම, ඊසාන සහ නැගෙනහිර බෙංගාල බොක්ක මුහුදු ප්‍රදේශවල ධීවර සහ නාවුක කටයුුතුවල යෙදීමෙන් වළකින්න.
ඊසාන දිග බෙංගාල බොක්ක ප්‍රදේශයේ අඩු පීඩන කලාපයක් වර්ධනය වීමේ හැකියාවක් පවතී. අද (18) දින සිට ඉදිරි දින කීපයේ දී උතුරු අක්ෂාංශ 060 ත් 160 ත් අතර සහ නැගෙනහිර දේශාංශ 830-960 අතර මධ්‍යම, ඊසාන සහ නැගෙනහිර බෙංගාල බොක්ක මුහුදු ප්‍රදේශවල තද හෝ ඉතා තද ප්‍රහාරාත්මක සුළං සහ තද වැසි ඇතිවිය හැකි බවත් මේ හේතුවෙන් මෙම මෙම මුහුදු ප්‍රදේශ රළු විය හැති බවත් කාලගුණවිද්‍යා දෙපාර්තමේන්තුව නිවේදනය කර ඇත.
මේ හේතුවෙන් මෙම මුහුදු කලාපයේ සැප්තැම්බර් 19 දින සිට 22 දින දක්වා යාත්‍රා කිරීමෙන් වැළකී සිටින ලෙස ධීවර සහ නාවුක ප්‍රජාව වෙත දැනුම් දී ඇති අතර මේවන විටත් එම මුහුදු ප්‍රදේශවල ධීවර සහ නාවුක කටයුුතු වල යෙදෙමින් සිටින යාත්‍රා හැකි ඉක්මනින් වාඩාත් ආරක්ෂිත මුහුදු ප්‍රදේශ වෙත යාත්‍රා කරන ලෙස තවදුරටත් දැනුම් දෙනු ලැබේ.
අභ්‍යන්තර ආරක්ෂාව ස්වදේශ කටයුතු සහ ආපදා කළමනාකරණ රාජ්‍ය අමාත්‍ය ගරු චමල් රාජපක්ෂ අමාත්‍යතුමා පසුගිය දා ආපදා කළමනාකරණ අංශය නිරීක්ෂණය
අභ්‍යන්තර ආරක්ෂාව ස්වදේශ කටයුතු සහ ආපදා කළමනාකරණ රාජ්‍ය අමාත්‍ය ගරු චමල් රාජපක්ෂ අමාත්‍යතුමා පසුගිය දා ආපදා කළමනාකරණ අංශය නිරීක්ෂණය කරන ලද අතර කළමනාකරණ මධ්‍යස්ථානය ද නිරීක්ෂණය කරන ලදී. ආපදා කළමනාකරණ අංශයේ ආයතන ප්‍රධානීන් විසින් ආයතනවල ප්‍රගතිය සහ ඉදිරි වැඩසටහන් පිළිබද අමාත්‍යතුමා දැනුවත් කරන ලදී.
ආපදා කළමනාකරණ ක්ෂේත්‍රයේ නියැලෙන රාජ්‍ය නිළධාරීන්ගේ අවදානම් කළමනාකරණ පිළිබද පුහුණු පාඨමාලාවක්.
ආපදා කළමනාකරණ ක්ෂේත්‍රයේ නියැලෙන රාජ්‍ය නිළධාරීන්ගේ ධාරිතාව වර්ධනය කිරීම සදහා ලෝක ආහාර සංවිධානයේ මුල්‍ය දායකත්වය යටතේ සිව් දින නේවාසික පුහුණු වැඩසටහන් මාලාවක් ආපදා කළමනාකරණ මධ්‍යස්ථානය විසින් සංවිධානය කර ඇත. ආපදා කළමනාකරණ මධ්‍යස්ථානයේ පුර්ණ අධීක්ෂණය යටතේ ශ්‍රී ලංකා සංවර්ධන පරිපාලන ආයතනය මගින් මෙම වැසසටහන ක්‍රියාත්මක කරනු ලබන මෙම වැඩසටහන් මාලාවේ පළමු වැඩසටහන පසුගිය දා ශ්‍රී ලංකා සංවර්ධන පරිපාලන ආයතනයේ (SLIDA) දී පැවැත් විය.
ආපදා අවදානම් කළමනාකරණ සංකල්ප, ආපදා කළමනාකරණය පිළිබද නෛතික සහ ආයතනික රාමුව, ආපදා පෙරසුදානම් සැළසුම් සකස්කිරීම, ආයතනික ආපදා කළමනාකරණ සැළසුම් සකස් කිරීම, අන්තර් ජාතික මානුෂීය ආධාර, කාලගුණික හා දේශගුණික වෙනස්කම් හේතුවෙන් ඇතිවිය හැකි ආපදා සහ එහි බලපෑම, ගංවතුර ආපදා කළමනාකරණය, නායයෑම් ආපදා අවදානම් කළමනාකරණය, භූකම්පන අවදානම් කළමනාකරණ, ජාතික මට්ටමේ සිට ග්‍රාමීය මට්ටම දක්වා ආපදා සහන සේවා ක්‍රියාත්මක කිරීමේ ක්‍රියාවලිය, ප්‍රජා මුලික ආපදා කළමනාකරණ ක්‍රියාවලිය, හදිසි ආපදා තත්වයක දී මහජන සෞඛ්‍ය පවත්වාගෙන යාම සහ ඒ සදහා පවතින ජාත්‍යන්තර ප්‍රමිති, ආපදා අවස්ථාවක දී මෘත ශරීර කළමනාකරණය යන විෂය ක්ෂේත්‍ර පුහුණු වැඩසටහන තුළින් ආවරණය කෙරේ.
News & Events
- නිරිතදිග බෙංගාල බොක්ක මුහුදු ප්‍රදේශයේ පීඩන කළාපයක්. දිවයිනේ බොහෝ ප්රදේශවලට අයහපත් කාලගුණික තත්ත්වයක්.
- අක්රමවත් මිනිස් ක්රියාකාරකම් ස්වභාවික ව්යසනවලට හේතුවයි. නීති නිසි ආකාරයෙන් ක්‍රියාත්මක කිරීම නිලධාරින්ගේ වගකීමයි.
- උතුරු, උතුරු මැද සහ නැගෙනහිර පළාත් ගංගාද්රෝණි 12 ක් සඳහා ගංවතුර අවදානම් පුර්ව දැනුම්දීමක්.
- ඊසාන දිග මෝසම් තත්ත්වය සක්රීයවීමට පෙර දිස්ත්රික් ආපදා කළමනාකරණ කමිටු රැස්වීම්.
- පස්සර - ලුණුගල මාර්ගයේ 13 හන්දියේ සිදු වූ නායයෑම හේතුවෙන් ඇති වී ඇති මාර්ග අවහිරතා ඉවත් කිරීමට කඩිනම් වැඩපිළිවෙළක්.
அவசர தொடர்புகள்
117+94 112 670 002