ශ්‍රී ලංකාවේ කාළගුණය පිළිබඳ බලපෑම් ඇතිකරනු ලබන ඊසානදිග මෝසම ඉදිරි මාසවලදී ඇතිවීමට නියමිත බැවින් ඒ පිළිබඳව තාක්ෂණික ආයතනවල විශේෂයෙන්ම කාළගුණ විද්‍යා දෙපාර්තමේන්තුව ජාතික ගොඩනැගිලි පර්යේෂණ ආයතනය, වාරිමාර්ග දෙපාර්තමේන්තුව සහ සෞඛ්‍ය අමාත්‍යංශයෙහි නිළධාරීන් සහභාගී වෙමින් 2023.11.01 දින දැනුවත් කිරීමේ වැඩසටහනක් පැවත්විය.

එහිදී ආපදා අවදානම් පිළිබඳ පුරෝකථන, එමගින් බලපෑමට ලක්විය හැකි ප්‍රදේශ සහ ඒ සඳහා ගෙන ඇති සහ ඉදිරියේදී ගතයුතු පියවර මෙන්ම පාර්ශවකාර ආයතන දැනුවත් කිරීම මගින් එම ආයතන ඇතිවිය හැකි ආපදා අවදානම් කළමනාකරණය සඳහා දායක කරගැනීම මෙහි අරමුණ විය. මේ සඳහා එක් එක් අංශ නියෝජනය වෙමින් නිළධාරීන් 70 පමණ සහභාගී වූ අතර මාර්ගගත ක්‍රමය ඔස්සේ 50 දෙනෙකු සහභාගී විය.